安甲不容忽视

猪拉多纳

　　天气潮湿令人特别唔舒服，同埋，入夜後大雾兼湿气重，街道地面湿滑，一个唔小心，随时跣到摊摊腰　！　所以，呢啲天气出街逛，各位老兄真係要留神。回说正题，今晚比较喜欢嘅骑师係潘顿及郭立基，隔晚骑师王赔率分别为4倍及10倍，啱心水可小注玩玩。

　　第五场第四班1200米。「永顺益」换上柏宝，方嘉柏应该係唔甘心，事关上赛安国伦跑得有啲老衬，入到直路喺内栏自困，只得第五名係幾眼冤！今仗6档起步，易於早段搵生位，亦因为转到B栏上阵，有利佢呢类後追型之马。

　　喜来仙子实搏

　　第七场第叁班1200米。「喜来仙子」跑到上赛终於识上名，如果有留意临场嘅朋友，唔难察觉到上赛喺沙圈时，隻马係比前淡定咗，睇嚟已熟习环境。是赛叠埋心水再跑此程，大有争出头决心，此批对手唔见得比上赛「中国动力」那批恶，唔係冇资格赢。

　　第八场第叁班1650米。「安甲」初次角逐谷草一哩已经见影，末段在内栏追入第五名，所负距离係远咗少少，但唔代表係人弃我取嘅名次，因为佢出闸段因排大外档，要花时间拖到最後位置，既令处境被动，所以唔应该睇低佢刚输近嘅赛绩。5档起步预期会守到好位，加上好大机会出现慢步速，唔排除佢由头赚到尾。

资深评马人 陈华栋