近四次田战至少起孖 韦达继续C杀着

猪拉多纳

　　今日跑埠际赛，澳门赛驹与地头龙对垒，多届以来，均是主队比较佔上风，所以，就算有时赛前看似主队马实力唔係咁强，跑完亦係赛果照旧，始终两地赛马水準有别，要偷袭唔係唔得，但唔会届届都得。

　　上届韦达「破天荒」捧走此项锦标，係佢历年来第一次，有冇机会连捧两届？！要睇「魔幻大师」赛事中表现如何，不过，讲真句，该场赛事唔似咁简单，咪将形势複杂简单化！

　　讲到韦达，近月成绩似坐火箭，2月至此共胜20场头马，如对上四期沙田赛期，中孖宝係最低要求，而在26/2及4/3，更分别赢4场与5场，讲笑咁讲，赛期好似为佢而设咁。

　　数数今期韦达坐骑，又有8驹等紧一班粉丝捧场，边匹值得重视 ？ 有边啲要叁思 ？ 其实因人而异。个人认为「千军万马」、「首饰孖宝」和「育成王子」可信性较高。

　　第二场「千军万马」，连碰两钉，别无选择下回到直路赛，练者肯走回头路，都係想交代啦。而「首饰孖宝」及「育成王子」，计级数唔会喺叁班困得幾耐，跑法又主动，食正今日C+3栏之利。

Jack