荃城欢欣泥战劲

猪拉多纳

　　天文台报告今日可能有一两阵雨，唔知会幾时落，沙田上空又唔知会唔会落正，所以，冇得预计场地会唔会受到影响。不过，成日都讲，周末赛期往往会出现啲「冷冻」赛果，爆完出嚟嘅冷门，都唔知点解？！奉劝马友们在呢期赛事，真係一场起、两场止。

　　第五场第四班1200米泥地。「荃城欢欣」初出已跑入前列，泥地性能固然係劲，直路更可大幅收窄与头马「开心指数」距离，已经觉得幾犀利，再者，後驹升到上叁班仍然有Q，进一步显示前驹在此班唔会久留。虽然泥地状况有时冇得估，利放或利後上 ？！好在今场有马走，早段应该唔会慢，至少赛事形势唔会衰，只要隻马交到刚赛表现，已经够赢。

　　第七场第二班1600米草地。「何方神圣」转方廐初出，好多人，包括阿栋，将会抱有幾大期望，唔好再批判上手养得好定唔好，因为已经係过去式。总之，前仗仲同紧「阳明飞飞」串Q，而呢场喺二班中级组别出战，除非隻马耐冇跑要热身，若果唔係，可谓目空一切。

　　第十场第叁班1400米草地。「育成王子」此程两出两捷，蹄下败将唔会差，初出已经赢到「信赖」及「神奇飞龙」，水準已值班顶。再睇埋上赛冇形势之下，重磅一样可以轻胜而回，目前进度喺叁班根本唔会蚀。另一方面，今场呢批叁班对手，真係冇边隻近绩好，所以，此马形势更理想，唔係忽然演出走样的话，叁连霸冇问题。

资深评马人 陈华栋