天赐福星帝豪骏驹绿色宝搏得分

猪拉多纳

　　泥地夜赛经常有意想不到赛果，真係见惯不怪，就算唔係冷W处处，总会爆无厘「啦更」配脚，所以，今晚对於喜欢以小博大马迷来说，会係幾好玩一夜。至於骑师方面，韦达、柏宝向来泥地成绩麻麻，呢期未必有落，比较睇好係蔡明绍。　　

　　「按得掂」之前指出进度在叁班捱打居多，落四班会略有不同，而3场赛事已试好场地性能，肯回到泥地唔係博懵心态，如交到缠鬥「巴其利」时水準，应赢。

　　「万人迷」拣完再拣，总之，四班此程每每有上佳表现。「都灵一号」唔再於谷草浪费光阴，实实际际返此程便胜，加磅後未算重，依然有机会。「雄姿俪影」体重轻，泥地未必胜任，加上，此驹一遇慢步速就自乱阵脚，存在较多不利变数。「海之宏」如果上场速度唔係一招了，转场後仍然存在，7档靠放，唔敢批死。「劲快」已纳於失準一族，唯一係超轻磅及好档帮手，TF才拖。

　　「日月霸王」之前两仗表现分别大，全因步速及所处位置问题，今仗2档唔应该再蚀位，若根据前仗追势，跑长百馀米冇大不了。

　　「乘风破浪」死路程1800米，唔会亦冇得等。「天宝之威」唔係唔操得、唔跑得，只係落场冇睇，转回泥地係最後一。「快马当先」此程长力有保留。「牛精威旺」步步槛，泥地会比田草好跑。「电讯高星」踏入中年首次跑泥地，季初泥闸追得好，结合上赛略有衝势，大冷可敲。

　　「一定快」及「自家威」，从前此程好手，近年演出却波动性大，係贪前驹有班及好档；後驹负磅有利。

　　「元豐泰」五班超级，但四班要跑出十成功力才有P。「千军万马」往往输拉士贯注，加上今场有幾匹快马在内侧，唔易切入。「金榜题名」来到水準较次场合，正好睇清楚係咪四班完全冇运行。「无敌」试闸好，跑落冇！转场係最後希望。

　　「驾世仔」早前赢大闸，时间快、姿态容易，加罩呢招或用得，当然，现时此马已冇稳健可言，太热便小心。

　　「金瑞」赢得「新强劲」，就算仗係1800米，缩回一哩跑出八九成水準，其实已够入围。「稻庭乌冬」咪再似上场跟前，转场肯用回留後方式的话，直路唔会冇得衝。「志气高昂」及「阳光王子」，前驹刚入Q或全因形势，後驹泥地冇咁好大竞争力，配脚才谂。

　　「天赐福星」伤愈复出跑一哩既输唔远，复课大闸又可轻胜，健康应该冇问题，本身12档唔怕蚀，而此程级数高，有赢马本钱。

　　「帝豪骏驹」係重磅略令能力下降，计形势当比前驹理想。「阳明深心」和「龙城动力」上赛齐齐末段被塞死可当冇跑过，以级数而言，唔係冇上名条件。「绿色宝」谷草加分渐渐到顶，回到泥地搏埋水尾。「搏得分」前仗同程看似一步不蚀冇P，实际曾遇阻窒，係咪真係分尽及唔合泥地，今仗可更了解。

　　「福到多多」连赢3场，次次凭一条直路扫晒，赢得够霸气，而今仗对手冇大变动，又有足够休息时间及操练，衝击今季第4W。

　　「财运」回班却重磅，未必如想像般有优势，P格居多。「超群名驹」衝程短，要留得好末段才唧得好，换人略有憧憬。「成就美丽」负114磅在班内此程唔下风。「非常好」重戴有用配件，忽然变身唔意外。 　

　　「开心指数」之前赢两场此程，缔速及姿态愈来愈劲，既然四升叁班在田草跑到差不多赢得，回到主项恶得多。

　　「太阳海岸」对上仗转场有信心，因先天条件够，而赢完工夫冇放轻，再搏格局。「飞跃之驹」前仗同程展示出比前能力略进，正路之选。「肥仔糖」转马房如搞得掂临场情况及走规，目前分数大有危险性。「巴其利」及「劲力」排中档，前驹够快会较易应付。

　　「好好彩」明显因为处理唔好（出弯前後唔积极），上赛同程才会名次落後，换人有幻想空间。「幸福红椒」除配件可能帮到手，加上，过去匆出曾赢马，而上赛前泥闸唔係冇走势，有理由相信转仓第二仗係目标。

　　「里奥威利」未确定上赛转变係来自转场、眼罩或档位，好在输完有压迫性工夫，练者亦有意搵出答案。「喜莲标緻」与「经典皇牌」，前驹重磅在二班让唔起，後驹入Q後成热令人怕，只宜拖脚。

马会赛马节目主持 洪礼贤