渐信良驹够主动

猪拉多纳

　　第九场三班1600米。今仗可能又会冇马主动摆在前走，「渐信良驹」好大机会又赚！若果情况与假设近似，一大堆後上马点会唔闭翳。

　　此马之前已在同程取两W，先在一场赛事中自领带返，造出五班不如时间。上场早段缩在内栏，除了赚到中段拖慢之利，沿路步步揽住条栏亦係成因。究竟评分尽未？体力用得七七八八？真係唔清楚！不过，此廐近季田草新胜马，翌仗再跑同程，喼到5成以上入Q率，的确幾犀利。此外，帐面只加两磅，根本湿碎到唔恨，何况B+2栏又夹到佢种跑法，计落仍有条件上名。

　　第十场二班1600米。「包装博士」上仗酌量加程，结果後追有Q（拉士係全日最快），输少少畀「驌龙」。若然比较起「包装博士」赛事中嘅转变，係冇之前咁重口、听教听话，不论係配件，还是多跑下帮助，总之，呢匹PP进度嚟得快。今仗唔转路程，而换上骑後劲一样掂嘅柏宝，唔会有影响，未赢前，唔会停手。

马会赛马节目主持 洪礼贤