爱欢笑连捷冇阻力

猪拉多纳

　　今日有两项级际赛上演，出马唔足额，爆唔爆得出样？！有时田草场合马少少先至「恐怖」，好在呢两场算係有重心，正路马可秤先。睇过各骑师兵力，韦达固然劲，不过，普莱西都咪睇小，出马多，有部分既有分头，亦有赔率，的确抵玩。

　　第四场第四班1200米。「爱欢笑」初出表现唔好，全因为出闸反应差，临尾追番段露了光。上赛再出成功补中，末段力退「高耀之宝」姿态有馀未尽。如严格嚟讲，上场在赛事中表现仍然嫩水，未係好规矩，但另一方面，未熟都赢，正好反映此马实力。只要之前缺课唔係影响好大，以上场走势及水準，加7分唔会有阻力。

　　精彩日子实力雄厚

　　第七场二级赛1600米。「精彩日子」有幾劲，赛绩已经睇到晒，跑5场4W1Q，上场只係输小小畀「天久」，话晒由一班越级角逐一级赛，最终以头位见负，其实好厉害！今仗转战二级赛，强手无多，如果唔係季尾搏攰咗，以佢嘅能力，捧盃机会大。

　　第十场第二班1600米。「利钱伯爵」有冇被过分睇高？阿栋唔会否定，不过，我认为此马二班够赢，将来在一班前景如何就唔知。事实上，首仗乱跑都有第四名。上场唔好得幾多，一样在末段斜出，先至会冇位置。由此可知，本身级数在此班唔係普通货色。今场博佢稍有改善，要在三甲佔一席应该唔难。

资深评马人 陈华栋