马主论战:电讯高星拔头筹

猪拉多纳

　　电讯高星拔头筹

　　我哋同马会合作嘅「电讯至尊MangoPRO」Android版手机程式已经正式推出，呢个程式係由我亲自研製，大概一、两个月後会有第二期程式，到时会提供更全面嘅赛马投X方式。

　　讲番心水，我哋隻「电讯至尊」刚啱开斋，今次轮到「电讯高星」响头场上阵，希望赢开就赢，可以再拉多场头马。

　　冷门吼尾场方廐马「喜竞宝宝」，呢隻马有质素，唞够上阵有权爆。

张敬山

　　魔法幻影卡士高

　　今日重头戏之一主席锦标，大摩派六驹上阵，我睇唔会空手而回。锺意郭立基坐骑「魔法幻影」，之前响香港盃同「加州万里」串Q，连「雄心威龙」都唔够佢跑，计卡士数一数二，跑出水準有权扫晒。

　　另一匹要留意嘅摩廐马係第九场「超群名驹」，在港跑咗16场仍未开斋，相信幕後都好心急交代，今次换蔡明绍操刀，或者会为隻马带嚟新鲜感，话唔定可以开斋赢马。

任达华

　　旅遊小子捧得过

　　叶楚航刚啱凭「红日」赢得在港第400W，今日呢个马房又派出成棚马上阵，攻势应陆续有来。推介头场「神箭金刚」，今季跑九仗全部三甲不入，演出虽令人失望，但评分亦因此减咗好多，而且上仗已见有复甦走势，随时可以反弹。

　　另外锺意第五场「旅遊小子」，近两仗跑沙田都输唔远，唔一定等谷草先至出击，落返嚟四班跑有一定着数，续配吴嘉晋减磅上阵，要吼实。

寇鸿萍、梁廷锵