麦道朗傲闯沙田惹飞

猪拉多纳

　　今季曾经喺国际骑师锦标赛显过身手嘅麦道朗，呢日再嚟香港客串，唔知係咪「新力多」同佢特别有缘，上次骑师赛抽到畀佢骑仲开埋斋，今铺又咁啱「超綵」退出，「新力多」可以补上由佢操刀，睇隔晚赔率虽然唔算汹湧，但闸前若有飞落咪睇小。

　　讲到麦道朗嘅五匹坐骑，有三匹来自大摩，最有飞嗰匹係「傲闯」，所以怪飞马一於推薦佢。其实呢匹马上次都係由客串骑师操刀，但韦纪力似乎唔可以为佢带嚟幾多飞数，最後赔率卖至25倍，结果得第八名。至於今次再换另一个客串骑师麦道朗，信心明显唔同晒，隔晚一度卖到9倍，睇吓係咪咁坚，赢番场爽嘅。

　　韦达骑师王热爆

　　骑师王方面，巫斯义拉士一日，赔率当然唔会冷，有6.5倍，但韦达魅力始终没法挡，睇嚟唔惊佢曾离港受时差影响，隔晚得1.65倍，咁睇都係佢好啲。

周仲