楊明綸 學做練馬師

猪拉多纳

要搵楊明綸做訪問絕對唔易，事關每朝操完馬之後，呢位新紮大師傅依然堅持返回馬房繼續工作，當記者離開馬場時還未現身。
       

楊明綸咁勤力，除咗希望得到練馬師支持，更重要係出於自己對馬匹嘅一份熱愛，雖然剛剛晉升大師傅，但年僅23歲的他已懂得為日後馬房工作甚至成為練馬師鋪路，呢位80後認真識諗！
       
上年12月17日憑八飛畢業，小楊獲師傅李易達及母親祝賀。

楊明綸愛馬，原來佢初期嘅志願並非做騎師，而係要成為一位獸醫。
       

「我十分喜愛馬匹，所以一直想成為一位獸醫，奈何我讀完中三已進入騎術學校，要追回大量書本上的知識，真係談何容易。
       
23歲的楊明綸向來以勤力見稱。

李易達話既然我起步如此順利，希望栽培我成為一位練馬師，所以現在除每朝操馬外，還會投放大量時間於馬房工作，為日後事業鋪路。」
       
貪靚遮暗瘡

楊明綸說。楊明綸明白單單留在香港的馬房工作始終有所局限，因此他正計劃今年暑假到美國，跟隨殿堂級騎師、現正從事馬匹基本訓練工作的艾謀信學習馬房管理知識，期間未必會在當地參賽，希望好好利用一個月時間增廣見聞。

視李易達為半個老竇

好多人話畢業等如失業，不過對於楊明綸來說恰恰相反，事關自從12月17日策騎「八飛」畢業後，呢位文質彬彬嘅小伙子喺三個月內已經豪奪12W，讓磅減少成績反而更上一層樓！

雖然並非所有頭馬都係來自李廐，但楊明綸表示如果無李易達教導，自己肯定唔會有咁好成績，他說：「我很幸運能夠有達哥做我師傅，佢唔單止喺工作上向我教導，連做人方面亦向我不斷提點，而我亦早已當佢係半個老竇！其實早於我首季從騎，達哥已鼓勵我自己親自向其他練馬師索騎，他給予我自由度，所以畢業後基本上和做見習生時一樣，都是自己出去搵坐騎，相信這亦是我很快站穩陣腳的重要原因。」

師傅教路 直接向神仙索騎

楊明綸唔單止得到好多華籍練馬師支持，連一向極少用華將嘅蔡約翰都對佢相當器重，原來最初「神仙」話要支持楊明綸嘅時候，李易達都以為佢「玩嘢」。

「記得前季暑假蔡約翰向我借楊明綸操馬，並承諾為佢提供坐騎，有一個咁強嘅馬房支持自己徒弟，我當然一口答應，點知開季一段時間都無馬畀楊明綸騎，於是我就向蔡約翰質問，原來蔡廐每每到報名時才決定騎師，而楊明綸當時有十磅減極受歡迎，所以到蔡約翰搵佢時已經接咗柯打，自此我就叫徒弟直接同蔡約翰接洽，兩人合作隨即增加，並且有理想成績。」李易達說。