霍廐马好不过三

猪拉多纳

　　好不过三，司空见惯。好似係霍利时马房今季写照？！季内做直播节目时，不单止得我自己会咁讲，另外两位拍档口径亦差不多，我们经常会掛在口边：「霍廐刚入围嘅马，有冇两铺？仲顶唔顶得顺？可能要隔？啱啱输完就好啲？」上述幾个问号，相信唔会得3位讲马佬会咁讲，如果阁下未担心过，可能因为……买亲都中，或对霍廐马有免疫力（当睇唔到）。

　　如果唔係对此廐马有免疫力，一定会伤过，「受创程度」仲可能入心入肺，因为类似呢股风气，已经唔係今时今日至发生，原因何在？我唔清楚，想避亦避唔开，总之，凡事睇结果，便有更深了解。

　　在刚期赛事，7匹霍廐参赛马之中，「巴其利」、「好唛」及「金狮威将」对上一/两场入围，结果再出最叻第四名。反而，「万人迷」与「熊英雄」啱啱输完，呢次冇W有Q。

　　甜橙属破格分子

　　睇埋霍廐现役马，好不过三嘅例子数量唔係少，由低班数起，「怡情养胜」最近跑完亚季军，再出名次退後一级、「雅趣」经过两场入Q，翌仗得第四名、「金狮名将」12月打叠入围後，再跑做四哥。

　　不过，唔係冇破例，「甜橙」可以直落3场G1获冠亚季（但季初曾接连跑P後走样）。至於，霍廐何日跳得出此框框？愈快愈好囉。



马会赛马节目主持 洪礼贤