欢欣满载赛绩坚

猪拉多纳

　　第九场二班1800米。「欢欣满载」两仗前在二班同程入Q，输畀头马「沙贝利」个幾身位，後驹再出在级际赛跑两P。而该役在其後面过终点嘅三至五名，「喜莲标緻」、「同个世界」、「快人快语」，之後各自各精采，可知该场绝对係高级组二班赛。

　　但係「欢欣满载」再跑两场，成绩愈来愈差，咩原因令隻马反覆无常，根本唔重要，最紧要考究係隻马幾时会返嚟？！会唔会係今场，唔敢实牙实齿，不过是日胡廐兵多，可能有攻势，此马唔係冇资格配合（前仗上名同日，廐侣「太平星」於较早场次入Q）。

　　第十场三班1800米。「纪利威威」赢完四班赛，升班再跑两场只得第六、七名，最大原因可能係路程性能已经转变。虽然近两仗已改跑1600米，但唔难察觉到佢在入直路前後，贯注性似有似冇，而最後幾十米却湧上嚟。

　　如果假设成立，佢嘅路程性能真係转变中，呢次再加程角逐1800米，可能会令其战鬥力升值。

马会赛马节目主持 洪礼贤