俊飞象落雨得人锺意

猪拉多纳

　　早幾日落嗰啲雨仲大过粒米，同你讲场地冇影响，你都唔会信，正因为咁，斗胆将大嚿钱买落隻马度嘅信心先显而易见。

　　第六场嘅「俊飞象」就係其中一匹落雨照有飞嘅马啦，呢匹马喺香港跑咗三仗，名次最叻先係得第九，赔率当然唔会熨。既然上仗仲讲紧54倍，今次点解可以卖得热，曾经得8.8倍W，位置仲曾经做过大热门？之唔係因为佢喺新西兰个绩囉。话说「俊飞象」喺新西兰嗰时，场地变化对佢一啲影响都冇，仲愈跑愈劲，三次出争黏地都入三甲。难怪香港落雨又行雷，捧场客买佢嗰时，震都唔震吓。既然係咁，一於博佢真係落雨识飞。

　　马伟昌骑师王赔率跌

　　骑师王方面，唔知係咪潘顿由5.5倍回上6倍，有两位骑师赔率跌，一个係柏宝，一个係马伟昌，与其买前者，不如博後者10倍开得出。

周仲