马主论战：先鞭直前收复失地

猪拉多纳

　　先鞭直前收复失地

　　何良今日只係出五匹马，但我睇好佢有马赢，最啱心水係第十场「先鞭直前」，呢隻马前仗响田草1200米赢得相当精采；上场转跑谷草1200米，虽然输畀「铁胆龙」跑第二，但亦弹甩其他对手。今次回师沙田，应该可以收复失地。

　　另外推介第二场「神采商人」，跑过两次直路赛都上名，质素唔会曳；三岁马已日趋成熟，今次对手亦冇上两仗咁强，计落係时候赢马交代。

　　张敬山

　　无敌骏驹要捧

　　蔡明绍刚啱凭「满贯之宝」同「好好机会」起孖，搏杀手风转顺，今日一於再捧佢啲马。

　　推介第三场「无敌骏驹」，上场输畀升上四班照赢嘅「欢乐宝宝」跑第二，只係对手太强，今次同场已冇超级分子，应该可以赢马补中。

　　另外锺意第七场「喜来仙子」，上场跑谷草1650米，末段衝上嚟走势如狼似虎，明显已经摸到最佳跑法。今次转跑沙田更加啱衝，係时候打开胜门。

　　任达华

　　闪烁武士求交代

　　刚啱大摩同柏宝又携手凭「超群名驹」捧盃，近期呢对骑练组合认真犀利，吼实佢哋应该冇错。推介第七场「闪烁武士」，在港五战三度入Q，未能赢马只係差少少运气，今次加程跑1600米更加啱追，必求交代。

　　另外锺意尾场「恩格斯」，前仗响田草1200米追入一席第四，已经露过一手，实力唔会差得去边。回气一仗之後，今次换柏宝上阵，唔似係陪跑咁简单，值得捧场。

　　寇鸿萍、梁廷锵