閃爍武士紅山茶好勝煌百事神駒 天外之天多采多姿奇葩恩格斯

猪拉多纳

　　而今日摩东两廐大军杀到，应该有大手交易，呢两个马房部分实力马，不少於三数驹，大有重视必要。

　　「闪烁武士」唔係过分轻率，以及留放未做足100分，上场唔会输得畀「至尊飞星」。希望今场唔会有乜冬瓜豆腐，发挥正常的话，坐二望一。

　　「红山茶」久休复出表现及格，但要视乎热身後有幾大进幅，够唔够追得番上场输畀前驹嗰个幾身位。

　　「好胜煌」赢得「精算纵横」，又曾输少少畀「超群名驹」，居三班有着数，尤其置身一场未必有步速场合，1档或会赚晒。

　　「进取」刚赛拉士唔算特别好势，反而，「百事神驹」有番一场回气，更有留意价值。「喜来仙子」与「非常精」，近仗有表现嘅水準，未足以在今场赢，争P居多。「无双小子」年半未在三班上名，两捷後升班，睇吓顶唔顶得埋今铺。

　　「崇山宝」初出前已指出试闸好，又係早熟一族，但估唔到可以赢咁远。除非两岁马加完磅完全唔掂，如果唔係，以上赛缔速，理应再捷。

　　「夺目商人」进度唔係幾何级提升的话，唔易反先。「赤胆」情况差唔多。「奇兵」大闸入Q唔算叻，不过，睇身形未收好却有两脚。 　

　　「神采商人」放得快咗仍可在上赛跑P，再次證明四班够赢，不过，加磅後略有压力。

　　「四贝勒」唔使再因为外档问题，打乱了处理手法，有冇睇错进步感？今场会知清楚。「劲啲啲」两次在同程入围水準极普通，顶多争脚。「我的」及「振动力」最近一齐试闸，论走规及反应，前驹较理想。

　　「无敌骏驹」鬥抢仍保到Q脚，上赛表现出色，如果今场形势略好，有权带到。「喜相逢」五班超级，係担心早段唔够快，随时追唔切。

　　「碧玉钗」刚赛前已讲过喺五班有班利，估计转场唔会适应唔到。「金銮大殿」经上场後已感失望。「金满贯」1档起步，如步速慢，重戴眼罩有助的话，有权争位。

　　「多名利」体重回升与负磅减，对演出极有帮助，此外，谷转田，直路长亦有唔同发挥。

　　「智多飞」係惊马房新胜马再出唔掂，计数喺今场仍会赚跑法。「包装之宝」和「惬意小开」具此程长力，係蚀分而已。「驌龙」再跑长啲，排埋外档，不易做好留放。

　　「黄金褭蹄」冇快步速帮手，唔易跑出最佳水準，要视乎同场一两匹前置马点放法。「美的人生」攞位、留放及发力点做得唔好，係上场走晒样原因，期望今次换人，会有唔同演绎。「劲綵」之前曾缺课，而唞得耐却跌磅，俱为利淡因素。「世界波」之前退出冇打乱操练程序，老马唞得够，要小心。

　　「时尚风华」对手太水，以其稳定状态或够上名。「动力网络」与「锦衣卫」，如非大家鬥烧，前驹可能有入P机会。

　　「龙胜」流完鼻血半年冇跑，复出在1600米跑得接近，去到最後百馀米仲会变速，演出有惊喜，而以血统背景，冇理由加程唔好。

　　「印度光辉」如8档找到遮挡，以其路程性能及近况，足以争入围。「川河名驹」等佢落班跑长途多时，终於有此安排，有埋好位亦对及发挥帮助大，係咪完全冇料，多看一回。「雅趣」博连败後回够气，若跑得番之前入Q表现，唔係冇冠军相。

　　「善寳」一再赢马似阵风，且上场韦达更早发力及滋油，进度大由此可知，呢场唔係因为1档困死，再W。

　　「旺綵」以之前3场中程表现（直路中段左右），忽然缩程唔係冇意图。「绿色好」输马因未能平衡，勿对上场太上心，总之，前仗头马具代表性。「战士」体重减係好事，或追劲更胜前。一对摩廐马「活力名宝」及「新力飞」，三重彩才拖。

　　「都市风光」国际赛入Q後，再出捧免税店盃，赛绩够劲，如演绎手法好过12月时，赢面大。

　　「雄心威龙」与「军事攻略」，远征後复原幾多，点会唔使计，一哩能力则比大部分对手好。「精彩日子」期望换人令能力升级。「天久」跑忠心、「步步稳」靠形势，边线马。

　　「新希望」有级数、表现唔多失準，加磅与转程未必有好大影响。「梦幻十一」好位、换人及排内档，有晒变身本钱。

　　「小宇宙」及「先鞭直前」，近绩靓，主动性强，正路之选。「红旗勇将」係怕外档起步又好似上场取位咁蚀，计之前上名赛绩，在此则够争。「幸运全胜」只怕冇三剂。

　　「天外之天」转仓日子唔耐，初上一班有Q，的确有惊喜，值得再追。「多采多姿」回到二班赛，略重磅仍够恶。

　　「奇葩」及「快利多」输跑法，惟前驹有级数，後驹磅轻，如有得追，随时凭後劲剷入一席。「利李之星」大闸试得畅顺而唔算吸引。「恩格斯」内档对外闪毛病会有帮助，咪因上场大败而轻视。

马会赛马节目主持 洪礼贤