马主论战：大旋风谋交代

猪拉多纳

　　大旋风谋交代

　　今晚潘顿停赛复出，我睇好佢有马赢，推介第二场「大旋风」，近两仗跑田草1600米同谷草1200米都入Q，證明近态好弗，今季仲未赢过马，今次再配潘顿上阵，必定搏尽谋交代，值得捧场。

　　另一匹心水係第七场「一宝」，近三场跑谷草获冠亚季各一，窄场性能真係好掂。

　　三岁马目前仍有分在手，今次落班用韦达操刀，吼準法国赛马会盃上阵，应该可顺利赢马捧盃。

　　张敬山

　　新力多食尾胡

　　大摩刚啱中三元兼捧晒两盃，手风咁顺，点可以唔吼佢啲马？推介第六场「活力至宝」，虽然季内八战全部唔上名，但评分亦因此减咗唔少，搵柏威廉操刀，似乎想博你唔信，一於拣佢。

　　另外锺意尾场「新力多」，上场响谷草一哩跑第四，输畀头马「幸运金龙」唔够一个马位，反映响三班够争；今次增程上阵排内档可赚形势，有权食尾胡。

　　任达华

　　李易达近期明旺

　　李易达刚啱凭「乘奔御风」同「龙胜」两匹冷马起孖，今晚一於再捧佢啲马。推介第四场「明旺」，近四战跑谷草一哩，取得冠亚季各一，摆明路有专长，後上马排外档影响唔大，有权赢番一仗。

　　另外锺意头场「不老精英」，虽然在港跑咗20场都未上名，但上场放入第四，表现比以往好咗好多，小心今次畀佢放到返嚟。

　　寇鸿萍、梁廷锵