经典皇牌换人赢

猪拉多纳

　　第九场二班1600米。「经典皇牌」唔知边场係真？！叻起上嚟，可以连「人人兴旺」都当冇到！跑得差嗰幾场，又可以好似忽然患上退化症，接连跑十名以外。究竟係神经刀或有其他原因？不过近期操练工序有别，轻鬆赢短途谷闸（之前4场赛前冇大闸），同时，起用季内唯一上到名嘅梁家俊（跑4场得1场冇奖金），睇手法，呢场或有意思拼搏。其实，近3仗演出算係连贯，冇再出现无故走样赛绩，期望今赛做够工夫，可跑得出本身级数。

　　第十场三班1400米。「好心思」係得前仗1200米入围，但该役末段追唔到「开心陶宝」，只係跑赢两匹季内未识上名嘅马，唔单止失望，仲觉得「放大」了前仗发挥唔好却输近赛绩。但目前还可找到两点令自己未死心住，其一，上赛加了交叉鼻箍，赛事中明显马头冇咁chok；其二，转到中程可能翻一番（上赛直路塞死唔算数）。若今赛失色，便须暂时「分手」了。

马会赛马节目主持 洪礼贤