列阵马实力不俗 胡森继续追数

猪拉多纳

　　早年马会修例，但凡马房赢到11、12场头马，如果跑获位置凑够会方要求分数的话，一样可视为「毕业」。降低门槛对细马房係好事，起码有走盏空间，实际上係较为公平。不过，堂堂一廐之主，要咁样掹车边至上到岸，点都有失面子。

　　目前未够数马房剩低3个，梁定华久沉不起，想跑入前两名，已经好似要等奇蹟发生（对上一匹喺1/4），莫讲话要赢够13场，攞到双位数头马机会似乎微乎其微？！至於，胡森及吴定强，近日以前者动作多多，细马房接连两期有头马进帐，唔少仲係热门，周三赢隻大热门「非常好」，更属今季此廐首匹大热W！近排唔吼住佢，点会捨得。後者通常锺意在谷草砌，田草好少有出击大计，所以，今期吴廐4驹我唔敢制。

　　问心讲，今期胡廐5驹俱有唔错实力，「尚骏心」新胜而临、「实在好」及「胜利旋峰」啱啱跑完P，而「劲威小子」与「欢欣满载」，近绩係冇咁靓，唔代表係陪跑，因为两驹都有长途底。

　　总括而言，呢期幾个大马房出兵唔多似样，未必係佢哋天下，周末赛期，可能继续係中小型马房世界。

Jack