逆境自强 继续捧场

猪拉多纳

　　赛事来到尾声，赛驹跌watt在所难免，部分可能因季初及中期搏得多，来到季末顶唔顺，亦有机会係评分累积唔少加幅，以致无法再突破，令到本来好地地近绩，忽然掉头回落。总之，有好多成因令到明明好开嘅马，嚟到尾声会突然间冇晒表现。

　　个别赛驹在亮相圈出巡时，外观未必睇到攰唔攰？！去到闸前可能仲係生生猛猛，点知甫开闸，成隻软脚蟹，冇前又冇後，呢类例子季尾特别多，任由如何眼利专家，有时亦难避免中招。

　　另外，有些赛驹跑到季尾时分，马重比起较早时跌咗唔少，唔係烧脂成功，可能係体能不胜负荷引致。

　　当然，又有部分马匹可能会反其道，马重跌得多，兼季初、中已搏咗一大轮，至此依然跑得好，呢类马匹有本事逆境自强，值得捧场（继续再跌磅则作别论）。

　　超綵值得吼实

　　好似东廐「超綵」，上赛1009磅乃今季新低，比起季中第二捷时，足足少了37磅，但见刚赛末段衝得唔顺一样有Q，仲要赛前曾因健康问题冇操两周，更觉佢获亚水準唔曳。若果今仗马重唔跌，又唔係步速慢不利後上，要保持成绩，唔认为太困难。

马会赛马节目主持 洪礼贤