喜来仙子季尾回勇

猪拉多纳

　　昨文提到「超綵」，再望望今期东廐出马量，总数超过十驹，马多好办事？出马多一定有W？正常情况下，答案应该係。查看东廐之前出马差不多数量嘅赛期，通常都会有W到手，係巧合，抑或部署手法，唔使太考究，事实摊开係咁，咪尝试发掘哪驹具头马希望。

　　由於中下班次那批，大部分唔多起眼，潜在头马多在三班或以上组别，「梦幻十一」贵为六捷明星，赢完一班再挑战级际赛，未知本身够唔够卡士，但赔率唔会冷得去边，未必有多大回报。

　　加州动力要吼

　　反而，「加州动力」及「喜来仙子」，赔率唔会热得好紧要，最终赢唔赢到属後话，至少有可博之道。事实上，此两驹刚赛同样跑得唔好，问题均因蔡明绍而起，不离骑唔起、控制未够好、搵错位等等，但两驹俱有极接近表现，尤其係「喜来仙子」，上场喺直路真係唔知骑师想点（大部分时间浪费在搵位望空），最终只输半个身位，正好反映嚟到季尾幾好「方」。

　　马有人冇，时有发生，而上述两驹今赛可能继续係蔡明绍主理，发挥又会如何？冇得估、计唔掂，唯有希望经过错失机会後，人马多了沟通，能够跑出最佳水準。

马会赛马节目主持 洪礼贤