五月之星 柏宝势盛

猪拉多纳

　　势如破竹之时，通常挥洒自如；霉运缠身之日，往往行路打倒退。当中涉及咩因素，唔使用运程、星相、流年等去解释。「信心」二字，基本上已概括了，正如多年前有套电影对白：「有信心，未必会赢；冇信心，一定会输」。若果做任何事情之前，心态唔够正面及信心，抱住患得患失，最终必然船头见鬼、船尾遇贼！

　　如果骑师比赛时心理质素唔够强，发挥自然唔完善。将之神化一点，可能连胯下匹马都感应到，实行你有你骑、我有我跑，一於唔就範，如此一来，便展露唔到人马正常演出水平。

　　五月取11W

　　近期柏宝的确犀利，信心完全返晒嚟！啱啱周中夜赛又赢3W，仲连续两期成为骑师王，风头盖过韦达。如果以五月头马成绩嚟讲，暂时係柏宝开季以来，最多产头马月份，一共赢了11场冠军（胜出率约26%），如果计跑入前四名比率，更超过5成。

　　近期柏宝曾经赢过嘅马，如「华丽堡」、「甜将」、「火燎腚」，都係赢少少返嚟，唔係压线一刻擒过对手，就係顶埋最後一步。当中係有运气成分，但如果骑师唔够信心、唔弗的话，一样唔会成事。

马会赛马节目主持 洪礼贤