10號仔連場奪金

猪拉多纳

唔少馬迷買馬都鍾意跟冧巴攤路，如果尋日吼正10號馬來買就真係發達！事關今期總共開咗四隻10號W，其中「合利高」、「特別熊」同「飛馬之威」十幾廿倍，最熱既「奪金」都有成九十幾蚊，分頭相當和味。
       
奪金匆出包尾變第一。

講開「奪金」，剛周日千六米跑到途中籠頭同頭罩都甩晒，輸成三十五個馬位返嚟，估唔到事隔幾日除頭罩真係變身贏得。事後賀賢接受訪問嗰陣都好坦白，講到明今仗都係估估吓，事關上場都無乜跑過，根本唔知隻馬實際有幾多，加上話晒都係增程出戰，效果如何的確難以估計。佢話「奪金」賽前行沙圈情緒好安穩，出閘之後又好快霸到個好位，都係勝出嘅主因。不過由於季內已經無乜合適路程，都可能會提早抖暑。