望升格七磅

猪拉多纳

馬會近年對見習騎師奉行貴精不貴多政策，蔡明紹、楊明綸、梁家俊及蘇狄雄均火速上位兼升格大師傅，何澤堯及吳嘉晉成績亦佳。輪到今季，姚廐見習生呂卓賢加入戰團，他透露開鑼戰有機會獲策四、五駒上陣，並訂下目標盡快贏夠20W升格減七磅，藉此減低造磅煩惱。
       
呂卓賢主力替師傅操馬，做足本分。

距馬季開鑼尚餘兩個多星期，呂卓賢透露目前心情既興奮又緊張，師傅姚本輝亦給予不少意見兼且對他有一定期望。
       
旺當家

呂卓賢說：「自新西蘭回港後，主要工作是替師傅操馬，經過一段時間後已逐漸適應。與外國比較，香港賽事競爭肯定更加激烈，陣上取位寸土必爭，希望能夠盡快適應。作為一個新人，難免會有犯錯，但我對自己要求甚高，縱有錯失亦會積極改善，並鞭策自己不斷進步。」
       
姚本輝睇實呂卓賢出試「旺當家」，從而向徒弟作出指點。

被問及姚本輝有否傳授獨門秘技時，呂卓賢笑說：「由於我未曾在港出賽，師傅表示要睇過我實際上陣情況才作出相應安排。不過，師傅不斷提醒我要留意自己騎姿，不能單單依靠右手，要多加訓練左手，令到轉鞭動作更加利落。
       

另外，本身體重不輕，不過師傅未有要求我特別減磅，目前體重約107磅，計及受讓十磅及可超重兩磅，最低可騎到115磅的坐騎，因此希望盡快贏夠20W升格減七磅，那麼最輕113磅的坐騎亦可應付，免卻造磅之苦。至於開鑼部署，師傅暫時未訂下出擊計劃，但初步約有四、五駒交予我操刀，對此感到非常期待。」
       
向黎海榮湯智傑討教

姚廐近乎爆倉，呂卓賢主力只替師傅操馬，為其他練馬師効力機會不多，他表示會專心做好姚廐見習生的工作，並以姚廐為先，不過，目前只得呂卓賢一位十磅仔，應不乏支持。呂卓賢透露，同黎海榮及湯智傑兩位師兄較為稔熟，故此不時向他們請教，藉此提升騎功。

近季小將升格七磅仔時間表

騎師 上陣日期 開齋日期 第20W日期 在港累積頭馬

蔡明紹 20/12/08 20/12/08 （威利來） 22/3/09 （確叻星） 178

梁家俊 15/9/08 12/10/08 （成功網絡） 26/4/09 （錢會來） 103

楊明綸 15/9/08 14/1/09 （金百利） 1/11/09 （幸運愉快） 94

蘇狄雄 1/1/09 13/6/09 （大有運） 10/3/10 （星光活力） 74

何澤堯 1/5/10 16/5/10 （年年如意） 28/11/10 （智多飛） 67

吳嘉晉 5/6/11 5/6/11 （軒轅勇將） 25/4/12 （駿 方） 27