鐵胆龍揸弗

猪拉多纳

今季快活谷揭幕戰明晚上演，姚廐出馬十匹，陣容最鼎盛，其中四場更雙龍出海，大搏殺呼之欲出。尾場二班1200米以「鐵胆龍」及「旺當家」作為雙箭頭，一新一舊均具實力，這場頭馬姚本輝似是智珠在握。
       
「旺當家」連續兩季一出即勝，忠心分子休後特佳。

尾場二班1200米，姚廐雙龍出海，同程五戰四勝之「鐵胆龍」勢成焦點，姚本輝表示：「『鐵胆龍』在快活谷作賽的確特別醒神，今仗就算負131磅上陣，仍有信心可以跑入前列。早前沙田試閘末段走勢略為牽強，然而經過近兩周操練後，狀態提升不少。上季一直由普萊西主理，今季轉交潘頓接手，配搭依然可靠，況且後者開鑼日連中三元手風正順，人強馬壯，機會相當樂觀。」
       
「鐵胆龍」（前）上季已展示出谷草特佳，今季處盛年可望更上一層樓。

至於廐侶「旺當家」，姚本輝表示忠心馬休後特佳，同樣不能忽視，他說：「經過暑期休養生息，『旺當家』日前彈泥閘，輕易跳出快時間，走來火氣十足，狀態已及水準。上季一出即勝，加分後有點捉襟見肘，但連敗減分後已回落至贏馬水平。唯一擔心是初跑谷草，高手過招難免會輸蝕經驗，不過憑住忠心性格，闖入一席也非奇事。」
       
姚本輝明晚屯重兵，攻勢一觸即發。
樂有贏返谷搵食

另外，上季尾兩勝田草1200米的「樂有贏」，今趟回師老本行谷草1000米，輝哥對部署有以下見解：「現階段田草對手甚強，移師谷草或較易搵食，況且『樂有贏』根本就在谷草同程贏馬起家，相信憑新鮮感縮程問題亦不大。」