何澤堯墮馬復出後首捷

猪拉多纳

柏廐見習生何澤堯曾幾何時被廣泛睇好可以上位，可惜上季騎「夢仙」墮馬受傷後缺陣多時，今季復出頭兩個回合坐騎無一上名，難免令人擔心佢狀態一沉不起。
       
雙龍出海以慢步速一放到底。
雙龍出海再一出即勝

尋日堯仔終於交回應有嘅水準，夥拍大告隻「雙龍出海」跑出漂亮一仗，取得自二月五日「馬風雲」以來首場頭馬。何澤堯目前累積68W，尚差兩W便升任大師傅。至於「雙龍出海」，繼上季之後再次一出即勝，馬主何鉅賢同李志雄都話早有部署。兩位馬主不約而同大讚堯仔操控步速見功夫，仲祝佢早日恢復最佳狀態，事業更上一層樓。
       
（左起）何澤堯、告達理

馬主李亦指出，「雙龍出海」今季養壯咗，升上三班應有價講，希望可以吼準機會執多場。