人人兴旺试準晒

猪拉多纳

　　第九场三级赛1800米。「花月春风」上季阉後复出即胜，今季首仗同样跑得幾好，确认冇咗「是非根」，能力明显比以前增值。而跑完上场後，相隔唔够1个月再出，期间居然有课大闸，唔係冇意思郁手。

　　上季中未阉前，已在同程差点能胜，之後再於此程多添1P，纯睇路程性能，唔会差得过田草1600米。而刚赛初出1400米摆明路短，未转弯位前又过早望空发力，有本事衝到尾且终点前唔係冇势，真係幾犀利。由於今次赛前工夫加大力度，状态係有进展，只要唔係因为13档令发挥乱晒笼，有权衝击级际赛。

　　第十场二班1400米。「人人兴旺」上季初出之前冇大闸，一样喺一班此程跑得出色，仅以鼻位之微屈居第二，而再之前两季首场分获季殿军，赛绩凸显佢跑新鲜有幾巴闭。睇呢场赛前準备，惯性地经常落草地出试，之但係，仲安排多两课大闸（10月8日报名，翌日仍试闸），呢种手法比较少见，结合试闸时走势，论态已及水準。今次降至二班，往绩极秀丽（5场全入三甲），如果小将发挥冇大错，只负123磅着数到晕。