信心十足露真章

猪拉多纳

　　呢期赛事有好多热辣辣嘅大热门，热到得廿蚊为数不下数驹，遇到呢种场合，真係要好小心拣！唔单只係独赢，买QT一样要谂清楚，揸边隻做胆，可能係胜负关键，咪以为最热嗰隻拣嗰隻一定冇死！有时赛果扭曲少少已经分到笑，所以，今日幾匹全热门，大家要「睇路」。

　　第三场三班1600米。「得男」已经连赢两场，路程正正係1600米，上季力克「香槟岁月」，再到今季击退「绿色威」，充分显示出本身高强战鬥力，不过，佢唔係冇缺点，直路仍然内闪，但亦因为未改好已有两W，更加觉得佢可爱。

　　「得男」赢马後加分不多，在三班仍然有着数，只要唔係马少步速太慢，发挥到应有水準，有力再捷。

　　第八场三班1400米。「信心十足」在柏宝手上已连输两场，捧到18蚊又叮，上场4倍半一样殊途同归，但骑师未放手，幕後亦未有换人意思，似乎係信任嘅表现。计实力，上季已露一手，三班根本唔会有阻力，希望经过上季此程经验，加上季内初出跑1200米一役已收热身之效，呢场会跑出最佳水準。

　　包装博士无懈可击

　　第九场三级赛1800米。好难去分清正副，大摩出4隻、东薛蔡各出两匹，4个马房加埋共10驹，都唔知点算好，但阿栋一於好少理，以马论马！「包装博士」路程性能叻，上季已證明过，兼且用番上季曾两捷拍档柏宝，既然配搭及路程夹晒，唔掂都冇法子。