騎練度計時時攞彩

猪拉多纳

呂健威馬房戰駒「時時攞彩」，上季在三班對壘也經常跑得接近，今晚落到四班跑兼排好位出閘，又可以伺機反撲。馬匹埋門操練異常積極，連課快跳或試草地均由馬偉昌一手摸實，完全符合呂廐一貫的搏殺手法，幕後都知道於四班有着數，既然減夠分呢鋪唔搏就假。昨晨六時許，威哥相約馬偉昌在機坪開軍事會議，練者叉起腰與對方傾談，兩人互相發表見解，氣氛融洽，對於今仗好似坐定粒六咁款，值得加以留意。