韦达明智抉择？第九场三驹任拣

猪拉多纳

　　一场赛事之中，练马师运筹帷幄，但机关算尽又如何，有时都要睇天做人，唔係话想点就点，譬如撞正「雄心威龙」之辈，想围攻马王谈何容易，就算一廐出够10驹围剿，咪一样徒然。

　　做骑师亦一样，有时千拣万拣，都会走漏眼，同时，骑师唔係有特异功能，同你同我一样，只係一个普通人，亦只係得一个屁股！唔可能一场之内骑到两匹马（赛前食两家茶礼被罚就见过唔少），所以，总会面对抉择时，至於，最终拣啱或拣错，骑师唔係万能，我哋亦唔好当佢哋係神，左秤右秤拣着个桔，完全唔係稀奇事。

　　今日第九场三班1400米，正正出现类似场合，唔知係咩来龙去脉，边个去作取捨，係马主建议？骑者意願？练马师话事？总之，同场3匹马「友莹果」、「智高星」和「欢乐时光」，上场俱由韦达策骑並跑入前三名，今场佢则选了一匹上场输得较远嘅「智高星」。

　　表面睇，唔明点解新胜「欢乐时光」，或刚在此程仅败「友莹果」，会吸引唔到韦达垂青，唔通佢独具慧眼？还是人情债 ？ 作为局外人，大家都係估估吓，然而单睇隔晚票数，「欢乐时光」好似对办啲。Jack