安國倫復出喜遇神仙

猪拉多纳

澳洲好手安國倫早排參加咗「Movember」呢個為防治前列線癌研究籌款嘅慈善活動，結果留鬍鬚換新Look，真係好心有好報，尋日停賽期滿復出即刻就靠蔡約翰嘅「紅衣神仙」建功，幫呢隻馬打開勝門之餘，咁啱尋日又係馬主顧永浩37歲生日，真係可以話雙喜臨門啦。
       
紅衣神仙初戴防沙眼罩即開勝門。
韋達金碧陽光熱倒

講開呢隻「紅衣神仙」，今季已經兩次喺韋達胯下熱倒，而今鋪佢就走咗去騎閘前得番1.7倍「金碧陽光」，反而前駒換畀安國倫跑就有6.8倍，末段一攻而破開齋。
       
安國倫

賽後蔡神仙都話之前有少少失望，事關呢隻馬跑嚟跑去都係得個近字，今次就除咗個眼罩改用防沙眼罩，可能因為咁畀到隻馬有啲新鮮感，表現大幅進步，佢仲話就算依家「紅衣神仙」贏咗，佢都仲係未摸清呢隻馬嘅性能，日後可能部署跑谷草一哩都唔出奇。