威仔皇养壮赢得

猪拉多纳

　　今晚赛事幾「湿滞」，有幾阵雨落，令到已经难搞赛事，更加难搞。再讲，谷草C栏有时幾头痕，放又未必到，追又未必好，所以，呢期赛事唔适合重注出击，必须清楚呢点，打水片冇问题，要搏命，梗係留番田草，或睇通形势之时。冇理由係又买，唔係又买，要做个精明赌仔。

　　第一场第五班1000米。「盈骥」今季转投阿威，接手後搞得隻马好好，前仗跑得接近，上场再出一样入到前幾名，好少睇到呢匹老马表现可以咁稳定。呢次再拣首本路程，虽然再遇上场跑唔赢「足球快」，谂深一层，人排8档，佢排4档，佢条跑线及际遇点都安全，博WP。

　　出闸比前敏捷

　　第七场第三班1650米。「威仔皇」去大告成隻马大隻，咪单单睇马重数字，临场见匹马的确比前壮健，抵讚。而且，上场出闸反应敏捷，唔似得以前久不久会慢闸，睇埋阵上表现，初出已经有悦目走势，预期今场会再跑好，已站在胜利边缘。

　　第八场第三班1200米。「帝国勇将」三班有馀、二班不足，且路程性能狭窄，所以，局限了成就，最佳良机正正係三班谷草1200米，之所以，唔使担心搏完冇战意，因为呢类三班85分上限组别唔多，必然好好把握。另外，今场早段多马抢，晒佢鬥衝跑法，只要保持到水準，头马可手到拿来。