蜚声国际形势好

猪拉多纳

　　一睇排位表，好多场合布满热门实力马，部分场次更多於一两匹，譬如尾场二班1400米，有三数驹各有实力，感觉上爆唔出样，至於，今日赛果又係咪热门马天下？阿栋唔敢讲，不过，除非爆到七彩，或场地受天雨影响，唔係就大多数场次会係正路赛果。

　　第二场第五班1400米。「大将军」跑落进步唔大，註定要喺低班搵食，目前评36分唔係超卓，只係恰可水平，好在呢批五班对手唔算强，加上有1档之利，对於本身跟前跑法有帮助，但要记住，此马赔率唔值得热捧，有5倍W或以上，先至称得上合理值博赔率。

　　第六场第四班1600米。「蜚声国际」上赛名次退步，唔係进度有问题，最惨係阵上遇到慢步速形势，唔係好夹发挥，所以，直路追唔切。今仗加配件，面箍帮助有幾大？我唔敢写包单，但呢场赛事形势会有利此马，因为唔只得一两匹对手会放头，只要步速偏快，以牠後上跑法，将会食正条水，可望改善成绩。

　　喜胜多轻磅着数

　　第九场第三班1600米。「喜胜多」上次临场赌到5倍，结果赢埋，真真正正飞到马到，有部分人士「入晒」，亦显示出此马有幾叻！呢次四升三班且转程，唔係冇难度，之不过，从上场末段走势所见，愈跑愈长係合理安排，以轻磅迎战，未必实冇得撼。

　　点买法

　　「蜚声国际」及「喜胜多」隔晚赔率比较合理，可以话比预期好分，WP博得过。至於重心场次，放在第九场，幾匹实力马打晒骰，除了£，尚有{;=及:。