銘記心頭態勇添食

猪拉多纳

進入國際賽周，周三快活谷率先上演騎師錦標賽，各地高手雲集爭逐殊榮。雖然黎海榮未能入選代表香港，但當晚兩匹坐騎「銘記心頭」及「太陽雄心」均分量十足，有機會在一眾外賓面前攞威。
       
「銘記心頭」（前）上仗黎海榮發揮出色，原班人馬再臨力求冧莊。

剛戰谷草1650米初配黎海榮即傳來捷報的「銘記心頭」，今次原班人馬增程角逐1800米，路程亦屬射程範圍，騎者認為馬兒狀態大勇，爭勝機會依然樂觀。
       
黎海榮
唔等一哩跑千八

黎海榮說︰「『銘記心頭』上仗排1檔，起步不久已跟守好位伺機而動，同時賽事步速偏慢亦有利發揮，末段交出強勁走勢，力拒對手來犯，表現令人滿意。由於月尾才有谷草二班1650米，為免休戰太耐狀態回落，故此強哥安排增程1800米上陣，觀乎勝後狀態依然對辦，若然再抽內檔的話，不無機會再進凱旋門。」
       

至於重返谷草角逐1200米的「太陽雄心」，黎海榮亦有不俗評價，他說︰「『太陽雄心』10月初角逐1400米無功而還，賽後被驗出氣管多血，尤幸小休一陣子即可重新再做快跳工夫，操練回復正常，進度理想，早前試草閘走勢亦不錯。今次重返窄場上陣，對手減弱，加上隨住作戰經驗增加，應可交回本身水準，再次躋身前列。」