沈集成馬主明星補數

猪拉多纳

國際賽日盛事，除咗四場重頭戲之外，其餘場合不乏明星馬在陣，可惜頭兩場擂台躉「小母牛」及「愛的呼喚」，令一眾熱門捧場客吃盡苦頭，郭富城愛駒只跑梗頸四，位置不保當然有啲掃興，反而對於潘頓同沈集成呢對騎練嚟講，雖然「小母牛」輸馬跑第二，但響第二場憑「馬主明星」爆出$91.5半冷W，可以話係補番晒數。
       
馬主明星外欄後上半冷取勝。
留後威力更強

由於擒日大賽場合，香港馬主協會團體嘅拉頭馬陣容就相當大陣仗，身為經理人嘅何永安就話賽前對今次嘅機會都好樂觀，其實跑完上次千二米之後，沈集成就表示呢匹馬前段落腳已經慢咗，絕對有增程必要，加上嗰場搶前跟得促，所以呢場早已諗住留後跑，結果響潘頓嘅出色留放下，終於成功取得今季第二W。潘頓擒日頭場雖然落筆打三更，但跟住一口氣贏「馬主明星」同「得男」，起孖兼且包辦第二口孖寶，跑咗三場兩冠一亞，可以話係氣勢如虹，到咗第七場再憑「雄心威龍」贏埋香港一哩錦標，連中三元威到盡。