龍船快東巫英雄會

猪拉多纳

別以為大賽過後就歸於平靜，兩位奪標英雄告東尼與巫斯義昨晨依然咁積極，兩人於七時半已於機坪密斟，十五分鐘後再轉移陣地至烽火台，繼續埋頭細語，期間練騎言談神情嚴肅，相信並非互晒剛戰威水史咁簡單。明晚谷戰由於蔡明紹停賽，列陣第五場的東廐馬「龍船快」改由巫斯義執韁，觀乎昨晨兩位主理人傾到接近收操，擺出無比戰意，話題肯定離唔開此匹今戰唯一合作馬，再者「龍船快」剛戰衝擊季內四捷失敗，今勻出動大賽高手，志切收復前失矣。