賀芬咸多蒙特死敵開大片

猪拉多纳

德甲賀芬咸主場對多蒙特，賀芬咸今季唔爭氣，不過今場形勢完全唔同講法，佢哋必然會付出百分之二百努力迎擊最大死敵，預期會係一場入球騷，1.5倍入球大係信心推介，求好分可以小敲2.7倍「讓球主勝」甚至6倍主Ｗ。

（有線61及201台周日晚10時30分直播）

兩會結怨源於頑固嘅多蒙特球迷，自從賀芬咸升班後，多蒙特球迷睇佢哋富豪班主霍普唔順眼，一直揶揄佢嘅金元足球，喺兩軍對壘時不斷自創歌曲唱衰霍普，不過佢哋嘅做法其實唔明智，皆因賀芬咸球員每次聽到人唱衰佢哋老闆都會大踢爭氣波，球隊自升上德甲以來，4度主場對多蒙特贏咗3次，今仗賽前賀芬咸中場大將沙利荷域接受德國《圖片報》採訪時聲稱今仗搶攻，更豪言可以大勝多蒙特3比0，足見佢哋對呢場波嘅態度幾咁瘋狂。

多蒙特今季8場聯賽作客全部有波入，但其中7場亦有失波，證明呢支衞冕球隊作客唔會保守，今場入波唔會少，考慮到多蒙特防線冇過去咁穩陣，主隊有超強鬥志亦可冷敲。
Alwin 推介：

賀芬咸大 ★★★★

特雷斯登讓球勝 ★★★

羅馬大 ★★★