電訊超星薛寶力破悶局

猪拉多纳

德國好手薛寶力自從喺10月6日贏咗隻「至勝威龍」後，成績一直停滯不前，況且佢本身只係得半年公司騎師牌照，為咗續牌梗係要加把勁，結果尋日佢終於靠梁定華馬房嘅「電訊超星」贏咗第二場五班1400米，幫呢隻馬開齋之餘，仲打破兩個月嘅悶局，總算守得雲開。
       
電訊超星(左)、實在好(右)

「電訊超星」贏到喺香港首W，馬主張敬山梗係開心，佢仲中埋5蚊三重彩，今勻真係有獎金又有彩金。
       
電訊超星台前幕後開懷合照。

電訊張話今場原本以為愛駒抽14檔難度好高，但係薛寶力跑得好有誠意，全程騎盡冇放棄，值得一讚，佢仲話呢隻馬試過氣管有血，唔可以跑太長，依家跑1200至1400米最啱腳法，話唔定仲可以喺五班執多W。