祁義理開齋鼓浪春風

猪拉多纳

挾世界馬王「范高爾」鞍上人之大名而初次嚟港客串嘅英國好手祁義理，經過差唔多一個月適應，雖然支持都唔算多，但係尋日2013年首次賽事，終於靠伍碧權訓練嘅「鼓浪春風」開齋，總算係新一年有個好開始。
       
鼓浪春風全程大外疊蝕位照贏。
賽前做足功課

早兩鋪先至開齋嘅「鼓浪春風」，由於夾慣夾熟的梁家俊停賽，今次就換咗畀祁義理執韁，即使抽13檔沿途被迫走外疊，但拉士喺佢極力催策下，仍壓倒熱門「愛蓮說」，幫佢贏得重要嘅頭馬。
       
（左起）祁義理、伍碧權

祁義理賽後話好開心係新一年可以贏馬開齋，佢話一早已着手研究呢場賽事，本身都有啲信心。
       
鼓浪春風台前幕後笑開懷。

至於「鼓浪春風」由於抽外檔，全程都走外疊蝕位，好彩隻馬拉士都有唔錯反應，終於幫佢自己贏番場，祁義理希望呢場頭馬係一個好開始，稍後可以陸續有來。