威威具星冧莊唔使等

猪拉多纳

「威威具星」上場報爭谷戰只列後備，但排位時潘頓寧可放棄其他正選馬，甘願與此駒共同進退，結果皇天不負有心人，馬兒順利補出並輕鬆取勝。今午「威威具星」打正旗號出爭皮亞士紀念盃，潘頓夥拍此駒爭連捷，毋須再等了。
       
威威具星上仗直路甫望空加速即彈甩對手，姿態令人咋舌。

潘頓：「威威具星」上仗起步反應明顯比前利落，入直路後稍畀已經彈開對手，贏馬姿態輕鬆。四歲馬仍居三班競逐肯定有優勢，今轉爭田草一千米亦可應付，況且抽到近看台的13檔，走位更添靈活，繼續採取留前鬥後跑法，連捷機會樂觀。
       
潘頓

韋達：「四季星」剛戰初跑田草千二米沿途走外疊蝕位，三歲馬仍維持本身速度衝線，負頭馬四乘許，表現並非太差。小休後回復體力，縮回初出即贏的一千米當然無問題，只要早段放鬆做好留放，便能交出一段強勁衝刺。
       

呂健威：「大行情」剛戰在港第二次上陣，狀態仍有不足，竟可後上追入季軍，復課後此駒備戰明顯加強，可惜今次再攻一千米直路賽遇上「威威具星」、「四季星」等惡馬，恐怕爭勝不易，希望可再佔一席。
       

鄭俊偉：「碧科」並非短途馬，來港前已贏千四米，抵埗後頗為適應水土，早前後上贏一千米草閘姿態吸引，當然這並非實戰，演出不能作準，但既然馬兒已準備就緒，相信牠有權爭入前列。