神射手齊齊On Fire

猪拉多纳

雙紅會「大」打出手

曼聯同利物浦今晚喺奧脫福開戰爆發「雙紅會」，近年因紅軍成績走樣令大戰氣氛無咁熾熱，不過今季又有新焦點，就係蘇亞雷斯同尹佩斯邊個先係英超最強前鋒呢？呢個問題阿占都唔識答，不過今晚有佢哋壓陣，帶埋眼鏡欣賞3D直播，睇住佢哋開1.57倍入球開大就無錯喇！（有線200、204（3D）及300、廣東體育周日晚9:30直播）
利記鬥紅魔打高一皮

尹佩斯同蘇亞雷斯今季英超炙手可熱，傳媒一致認定佢哋係爭逐英格蘭足球先生大熱人選，蘇亞雷斯喺近5仗為利物浦射入6球，尹佩斯對上4場波亦轟入5球，兩大球星同時以一人之力撐起球隊，阿占真係不得不寫個服字畀佢哋。

論成績利物浦依家肯定同曼聯冇得比，但眾所周知紅軍對親呢支宿敵都打高一皮，何況佢哋啱啱簽入英格蘭前鋒史杜列治輔助蘇亞雷斯，加埋超級新人史達寧組成「SSS」鋒線充滿活力，要攻破曼聯條豆腐防線真係易如反掌。
曼聯豆腐防線靠入波補飛

近日有傳曼聯領隊費格遜唔滿意門將迪基亞嘅表現，咁啱尋晚《世界體育報》又傳出巴塞一直留意緊呢位西班牙門將動向，唔排除紅魔遲吓會換過一位新龍門，由呢件事就睇到費格遜都認為紅魔防線需要做「大手術」。外傳紅魔亦對韋費特沙夏志在必得，但呢位20歲小將今季會先留喺力爭升班嘅水晶宮，季尾至正式加盟，喺未有新人加入前，紅魔惟有靠前鋒數胡補飛。好彩除咗尹佩斯外，另一前鋒查維亞靴南迪斯都有強勁入球能力，即使王牌朗尼養傷未必踢得，入球大都一樣咁穩陣啦！

頂占筍盤：曼聯（入球大）
紅軍連續10場有士哥

‧曼聯近9場聯賽8勝1和。

‧曼聯今季10場聯賽主場8場開大。

‧利物浦連續10場有波入。
曼聯奧脫福剋住利物浦

曼聯主場7連勝走勢強勁，相反紅軍表現反覆又不擅打硬仗，今季對前列分子未贏過。況且紅魔近6次主場對利物浦贏咗5次，一於吼埋1.72倍主勝。