里爾尼斯鬥入波

猪拉多纳

今晚Louis嘅重心大盤係法甲里爾主場對尼斯，兩軍對下屆歐戰參賽資格志在必得，雙方近期都大踢開放足球，但防線同樣欠穩，入球大有2.02倍絕對超值。

（周一凌晨零時開賽）

法甲前四名可以攞到歐戰入場券，巴黎聖日耳門、里昂同馬賽基本上必定入圍，餘下一席就爭持激烈，今戰雙方都有挑戰資格，里爾前仗作客弱旅南錫全場搶攻下只能賽和2比2，令佢哋目前落後尼斯兩分，不過喺主場出戰係另一回事，於法甲只輸過畀富豪球會巴黎聖日耳門，而且例必搶攻，早前主場就以4比1大炒蒙彼利埃，今仗面對主要競爭對手當然以全取3分為目標。

尼斯今季演出甚至在里爾之上，近6場聯賽4勝1和，只喺作客情況下不敵里昂，上仗5球大炒華倫西恩斯氣勢正盛，今仗一樣有信心搶攻求勝。雙方今季首循環踢成2比2平手，仲記得上季里爾主場對尼斯更激鬥到開出4比4和其他，今晚入波唔會少。
Louis 推介：

里爾大 ★★★★★

威廉二世大 ★★★

洛達大 ★★★