南非氹球迷誓攞威

猪拉多纳

摩洛哥打定輸數戰意差

話咁快非洲國家盃展開最後一輪分組賽，A組主辦國南非對摩洛哥，雖然話南非打和都可以出線，但佢哋身為東道主冇理由求和咁失威，爭勝決心仍然高昂。摩洛哥群星冇料到，或已打定輸數，望提早返回球會報到，戰意遠不及主隊，南非小讓平半，上盤博得過。

（now676周一凌晨1時直播）

南非首仗悶和佛得角，表現備受國民批評，球員知恥近乎勇，次仗演出果然有改善，輕取安哥拉2比0，打番出士氣同信心。主辦國最大特質係冇得留力，每場都要搏命，否則好難向國民交代，就算南非今仗和波都可以出線，亦要以三分為目標。
佛得角安哥拉吼大盤

事實上，如果南非今場輸波，都有可能被淘汰，為安全計最好取得領先「燕梳球」，若然一心求和，一個唔好彩被對手偷襲得手，就喊都無謂。

摩洛哥陣中有多位球員効力歐洲主要聯賽球隊，但從頭兩場表現所見，佢哋明顯冇心為國賣命。因此，即使摩洛哥出線形勢告急，未能取勝好可能出局，但估計佢哋亦未必太搏命。另外，摩洛哥若然勉強焗攻，正中南非下懷，可以施展突擊，橫睇掂睇南非贏面甚大。

同組佛得角對安哥拉，兩隊打和隨時一齊執包袱，所以應會豁出去一搏求勝，有利製造入球，建議要大盤。