佛得角現疲態撐安哥拉

猪拉多纳

今屆非國盃首輪分組賽嘅致勝之道，毫無疑問就係玩入球細同埋下盤，今晚去到A組最後一輪，想贏錢就一定要變招，畢竟經過頭兩輪比賽之後默契已經建立，但同時間球員亦開始出現疲態，要慎防個別球隊會突然間走樣，之前連贏兩個盤嘅隨時會輸得不明不白，講緊嘅就係小組連和兩場嘅佛得角。
安哥拉爭出線非勝不可

佛得角今屆首度參賽，但首兩戰卻有驚喜演出，先係悶和主辦國南非，上仗又同摩洛哥各得1分，今晚贏埋安哥拉的話，就可以歷史性殺入8強淘汰賽。不過佢哋兩場唔輸只係鬥志搭夠，上仗對摩洛哥末段更明顯體力不繼，如非對手腳風唔順，早就已經反勝為敗，去到第3場分組賽真係要小心走樣。

今仗非勝不可嘅安哥拉，首兩戰1和1負排包尾，但其實戰力並唔係想像中咁差，話晒前線都有華拉度列射手文路祖，同埋國民隊箭頭馬迪奧斯，級數肯定遠勝對手，難得今仗開平手盤，真係睇唔出火力唔多掂嘅佛得角可以贏波。

（開賽時間：周一凌晨1:00）
足球重心：安哥拉（平手）、畢爾包（入球細）

馬膽推介：9場(10)愛的呼喚

馬主城城係愛馬之人，早前愛駒停操近3周似係想休息，多過健康出現大問題，上仗於國際賽日出戰沿途跟得太急，先至畀一眾後上馬趕過，今仗預計步速相對偏慢，可以再見真章。