安索阿迪古主場掃「雷」

猪拉多纳

南美自由盃周三早上舉行外圍賽次回合，委內瑞拉球隊安索阿迪古主場迎戰阿根廷嘅堤格雷，安索阿迪古首回合作客雖然輸一比二，但整體演出其實唔錯，憑佢哋上季國內聯賽無敵主場威力，力足殺敗不擅作客嘅堤格雷晉級，平手盤波童捧安索阿迪古。

（周三早上6時15分開賽）
堤格雷作客蟲

安索阿迪古首回合作客堤格雷曾一度領先，可惜下半場喺十分鐘內連失兩球反勝為敗，不過能夠取得一個作客入球已算理想戰果，事關呢支委內瑞拉球隊係正宗地頭蟲，上季喺國內春季聯賽踢九場贏九場，今場只要贏波而後防能夠保持不失便可晉級，求勝決心唔使懷疑。

堤格雷向來不擅作客，除咗上季喺阿甲春八戰不勝之外，上季喺南球盃五場作客亦只係贏過另一支阿根廷球隊小阿根廷人，其餘四場都贏唔到，今次去到層次更高嘅自由盃相信更難招架，平手盤捧主隊坐和贏望。
堤格雷上季南球盃作客成績

負聖保羅（巴西） 0:2

和米倫拿列奧（哥倫比亞） 1:1

負波特諾（巴拉圭） 0:1

負基多（厄瓜多爾） 0:2

勝小阿根廷人（阿根廷） 2:1