賀年賽8號旺場？

猪拉多纳

　　跑罷剛周三夜馬，下期賽事在年初三舉行，蛇年第一回，將會爆冷收場？連場熱門？很難預測，不過，但凡大時大節，潛規規係熱門賽果比較多，寄望到時唔會有大變，新年流流，如果連場爆冷，大煞風景嘛。

　　今期賀年賽，一如對上三季一樣，將有11場賽事，每到初三賽期，吉利馬號會應市，8號通常最廣為人接受，取其音，意頭「發」。如果場場一路發發發，又行唔行得通？

　　睇睇近三季大年初三嗰33場賽事，8號馬唔見得特別旺場，原來只得10年「至勇威龍」和12年「金湶」贏出，好在兩駒均為十幾倍冷門，揀得中，帶來幾好利潤。事實上，該三期賽事，亦唔多8號馬跑入前三名，大前年有5隻8號馬上名，已經算係最多。

　　新正頭，意頭重要，但係唔多吉祥馬號一樣頻頻入三甲，單在近三季有11匹4號馬入圍，總成績為4冠4亞3季。論到上名次數，又確實與8號差唔多睇齊！今年又會如何，咩數字將會大行其道？點知啫，不過，新年新景象，最緊要開開心心，贏或輸，咪睇開啲囉。