重飛「泥」料齊歡笑

猪拉多纳

　　今期有兩項一級賽上演，點會唔多靚馬睇？唔知係咪呢個關係，大熱門嘅飛數都幾硬淨，冷門唔係咁易爆得出。

　　怪飛馬今次揀咗匹隔晚大熱門，佢就係第八場「齊歡笑」，唔知幾時開始，呢匹馬已經成為公認嘅泥地怪傑，上兩仗轉跑草地，不論近績好定壞，賠率都係雪櫃咁冷，前仗最後賠率有33倍，上仗都有15倍，難得今次鄭俊偉安排佢返泥地1650米，飛數自然澎澎聲嚟，隔晚曾得3.1倍做大熱，位置更得1戙，同之前簡直係天淵之別，戰意真係唔懷疑，加上柏寶唔放手，檔位又唔差，睇吓有冇運贏番一場啦。

　　騎師王方面，韋達潘頓都係得六匹坐騎咁少，但係潘頓賣3.25倍，韋達賣8.5倍，唔多唔少睇到邊個信心大啲，熱熱哋都要揀潘頓。周仲