侯城埃及力量反轉布力般

猪拉多纳

侯城今晚喺英冠主場對布力般流浪，1.95倍主W值得捧場，因為侯城領隊布魯士話只要喺餘下14輪聯賽贏多7場，就應該可以直接升班，目標明確當然抵捧，更何況侯城嘅「埃及力量」最近大爆發，就算布力般啱啱喺足總盃踢咗阿仙奴出局都咪睇得太高。（開賽時間：周三凌晨3:45）

現時侯城只係以3分領先第3位嘅屈福特，領隊布魯士話要完成升班任務，估計至少要需要多7場勝仗至穩陣，計番條數，主場出擊當然希望全取3分啦！再講，近4場侯城有3勝1負，而且來自埃及嘅射手謝度、後衞阿默特法迪同艾穆罕默迪狀態大勇，得到布魯士大讚，當中謝度連續兩場入波，隨時再做侯城贏波英雄。
布力般贏阿仙奴耗力多

另一方面，布力般剛啱喺英格蘭足總盃爆冷以1:0淘汰阿仙奴，近11場有7勝2和1負，而且最近又借用到熱刺中場賓尼同曼城後衞列基，睇落的確唔易輸。不過咁，其實布力般對兵工廠基本上係畀人撳住砌，控球時間輸晒，球員左撲右撲體力消耗好大，係咪可以食住上喺聯賽搶分，我好有保留同疑問囉！