駿馬精英多勝熊神奇飛龍駕寶

猪拉多纳

　　今晚8場在谷草B欄上演，之前三期係比較典型B欄特色，主動跑法及內檔較為安全，而對上三期唔少頭馬排4檔，每期總有三兩匹，且看今期又會唔會咁巧合。

　　「名城」及「好笑容」，五班具級數，跑短合發揮，內檔令形勢幫一把，屬實力分子。

　　「西域雄心」冇得揀，此程係最佳出路，10檔及小將稍不放心，不過，如步速扯快，將會受惠。「凱旋無敵」近仗表現好，外檔一向唔怕。「枕住贏」落五班超級，出到閘的話，以牠速度隨時放返。

　　「華麗堡」五班一哩向來屬強項，近期準備持續積極，有心交代。「京城精英」檔位內移，將對發揮有極大幫助，始終係班頂馬，形勢夾，有權贏。

　　「利圖」上賽多做工夫即進一步接近，而大幅加程未必唔好，再畀機會。「動力網絡」係擔心何廐新勝馬再出冇影！一對後上馬「青春得意」及「的確好靚」，外檔不免受掣肘，邊線分子。

　　「駿馬精英」賽前準備唔同，唞夠且工夫肉緊，睇準今場降班賽，1檔令沿路賺埋腳程，甚有冠軍相。

　　「多勝熊」上場轉場證明有助，再跑應該更好，係跌磅有點憂慮。「駕寶」剛仗有揀，已指出轉配件係變身誘因，如進度重上，或可打叠好。「開心飲勝」早前曾放慢備戰，未知影響有幾多。「神奇飛龍」一哩性能到極限，爭位。「奄尖大少」11檔，大打折扣。「金得意」傷後表現平平，暫難有寄望。

　　「勁啲啲」剛賽輸在形勢唔就，外檔焗在早段留後，才會後上不及，今仗好位情況唔同。

　　「好利佳」如果人與馬發揮比上場有進步，而隻腳又頂得住，有補中之力。「有膽識」外檔起步，未必有剛賽相同形勢。「心甜意合」近仗演出極出色，少數吳廐例子，未斷纜前，一定要重視。

　　「勝在分秒」愈跑愈退。「創出商機」多馬放，削弱了優勢。「駟馬難追」唞了超過1個月，準備又似樣，加上，縮回此程，或可交出成績。

　　一對實力馬排外檔，「馬得利」及「自成一格」，前駒難度更高，因面對加程及跑法被動；後駒中置跑法，如早段楔到二叠，應該蝕得起。

　　「威仔皇」因應兩匹主要對手條件不利，如果今場唔係再次塞車，能夠跑出水準，有力爭勝。「甜情蜜意」回了1場，返嚟唔奇。

　　「金堡龍華」如早段守到前列，極有危險性，因近仗漸有起色。「盈威勇士」上仗增程一哩有突破，轉跑谷草，有好冇壞。

　　「智高星」分數漸盡，好在演出準，此程啱且排好檔，縱難贏，一席位置唔會係苛求。

　　「超勝多」及「非常精」，要博表現有進，但唔係太有把握，只宜作配。「超綵」外檔而步速唔快場合，難爭。「幸運金龍」前領型跑法，撞正今場早段少馬走，有權克服。「叫關快」和「精彩生輝」升班卻對手不強，仍然有力爭前列。

　　「爪皇豪火」贏級數，跑法則失利，視乎步速及發揮而定，交到水準，根本冇有怕。

　　「喜競寶寶」路程性能出色，但要考慮休出交到幾多成水準。「友運行」終肯加程，如決心擺前，外檔唔係大問題。

　　「君河」剛仗發揮肉酸！換人、加程及排檔唔同，好大機會變身。「四季」外檔且加磅，不易維持。「陽光普照」輸級數，睇吓放到去邊，拖得慢或捱回一席。

　　「衝線」連仗唔係步速快，末段一樣爆段勁，且愈跑愈叻，除非今晚B欄完全冇得追，或是賽步速太慢，若不，直路唔會冇佢份衝。「吉利大師」休出發揮唔夠好，仍然輸近唔簡單，轉戰此程及排好位，發揮可能唔同，隨時大幅提升名次。「奇勇」贏完又贏，克服到難度，手上大把虛分未兌現，有1檔，唔太擔心跑長200米。「真誠真意」及「好精神」加磅後令能力略下降，爭腳。「珠光寶氣」跑落係咁上下，好位亦限於爭P。