費托爭氣車仔唔放過布拉格

猪拉多纳

歐霸盃32強次回合大戰今晚有得睇，車路士喺主場對布拉格斯巴達，1.76倍「讓球主勝」值得再追。雖然車仔喺首回合領先1:0，但失去正選位置嘅嘅費蘭度托利斯已接近1個月食白果，假如佢唔想被踢走，就肯定要把握機會顯身價。

（有線64及204周五凌晨4:05直播）
布拉格斯巴達冇人孭飛

自從丹巴巴亞加盟，費托就再次被打入冷宮，但由於丹巴巴亞曾經為紐卡素踢歐霸盃分組賽，唔可以為車仔踢淘汰賽，如無意外費托會踢番正選，最近有消息話，車仔打算用佢做交易條件，收購馬德里體育會嘅「老虎」法卡奧，除非費托好想食回頭草，否則對住布拉格點都要諗辦法入波。

另一方面，雖然布拉格有首回合因傷缺陣嘅查洛錫，最近好番可以落場，不過睇勻全隊都冇個孭到飛，即使係最有卡士嘅隊長馬迪祖夫斯基，効力雷丁兩季都要黯然離隊，連佢都冇本事喺英格蘭立足，試問布拉格又可以惡得去邊？再講，車仔鋼門施治係布拉格出身，對方有幾多料佢最清楚，使乜驚呀？

首回合︰車客勝1:0