放生隻馬 放生自己

猪拉多纳

　　主觀因素，可望可卻；客觀睇法，亦唔一定啱晒。一場賽事，一日未開跑，群駒未過終點，事前假設，冇話對與錯。

　　就如一場賽事之中，某大騎師揀騎某駒，寫包單實掂？唔一定眼光獨到囉！隨時可以係跌眼鏡。

　　任由該騎師賽前一手包辦那匹馬的操練工夫，仄清仄楚，哪又如何，跑唔出，輸到冇P，有乜出奇。

　　剛剛周三賽事第六場，韋達與杜利萊，同場之中，二人啱啱騎過嘅馬差不多佔了一半，結果他們坐騎「超勝多」及「智高星」，一匹梗頸四，另一匹途中跑至冇影。

　　無可否認，上述兩駒賽前的確受到一定程度注目（包括自己貼士在內），問題係當時賠率已經超出值博界線，唔理鞍上人係邊位，過熱便應該理智地放手，放生呢兩匹馬，等同放生自己。

　　一季83期賽事，約有七百幾場任君選擇，買少1場，起碼賺番下次部分彈藥。

　　首重值博率

　　中冷門馬難，熱門中伏則易過借火。菠菜，從來如此，永遠記住第一戒，賠率到底值唔值得博？！