捧韋達一對降班馬

猪拉多纳

　　經過早前拼搏期，韋達重奪騎師榜首位置，目前以53場頭馬，拋離潘頓3場，須知道，前路漫長，距離暑假有4個多月，依家帶出三幾場，唔係甚麼一回事，不過，手風順番，總好過之前成日跑完面黑黑。

　　今晚韋達出馬唔多，5匹坐騎有冷有熱，論到機會，可能各有唔同睇法。隔晚最熱係處女馬「好香港」，值唔值得博？見仁見智，阿Jack則另有所好，吼實韋達頭兩場一對降班馬。

　　第一場五班一哩「奄尖大少」，年華老去，唔係降班換了批對手，唔易搵食。但假假哋前仗在四班跑入殿軍，爛船仍有三斤釘！今次內檔、強配及路程首本，交代時刻矣。

　　第二場五班「新薪」，來自文家良馬房，剛剛此廐有匹「荃城歡欣」，就係降五班首戰即爆，可能前駒行埋同一條路。

　　新薪賠率值博

　　另外，谷草1200米向來係「新薪」首本路程，終於在今次重回此程，特登搵埋韋達，部署執得正，唔擔心冇鬥志，隔晚仲有10倍，更加抵博。Jack